Tanışlıqda yoldaşlıq
Azərbaycanın milli futbol komandası noyabrın 11-i səfərdə Sloveniya yığması ilə yoldaşlıq oyunu keçirib. Paytaxt Lyublyanada keçirilən oyun qolsuz bitib. Bu, Azərbaycan və Sloveniya millilərinin ilk qarşılaşması kimi rəsmiləşib.
Novator.az bildirir ki, milli komanda noyabrın 14-ü və 17-də rəsmi oyunlara çıxacaq. UEFA Millətlər Liqasının C divizionunun 1-ci qrupunda yer alan yığma dörd turdan sonra 4 xal toplayıb. Lüksemburq və Monteneqronun 9, Kiprin 1 xalı var.
Qalan oyunların təqvimi belədir:
14 noyabr
Azərbaycan – Monteneqro
Kipr – Lüksemburq
17 noyabr
Lüksemburq – Azərbaycan
Monteneqro – Kipr.
Qrupun qalibi B divizionuna adlayacaq.
Birinci yeri tutmaq üçün Azərbaycan komandası qalan iki oyunda qalib gəlməli, Lüksemburq və Monteneqro isə həmçinin Kiprə uduzmalıdır.
Hərbi vəziyyətə görə Azərbaycan Monteneqro ilə oyunu neytral meydanda – Xorvatiyada keçirəcək.
