23:23. Qalır 5 ştat
Novator.az ABŞ-da noyabrın 3-də keçirilmiş prezident seçkisinin ilkin nəticələrinə nəzər salıb.
Konstitusiyaya görə, prezidenti ştat nümayəndələrindən ibarət, tərkibi ümumxalq səsverməsində müəyyənləşən Seçicilər Kollegiyası seçir. Prezident seçilmək üçün 538 nümayəndədən 270-nin səsini qazanmaq lazımdır.
ABŞ 50 ştat və 1 federal dairədən ibarətdir.
Noyabrın 3-də keçirilmiş ümumxalq səsverməsində hələlik Demokratlar Partiyasından sabiq vitse-prezident Cozef Bayden önə çıxıb. O, Seçicilər Kollegiyasına 264 nümayəndə əldə edib.
Respublikaçılar Partiyasını təmsil edən indiki prezident Donald Trampın 214 səsi var.
Cozef Bayden 22 ştatda və Kolumbiya dairəsində, Donald Tramp 23 ştatda qalib olub.
Alyaska (Seçicilər Kollegiyasında 3 nəfərlə təmsil olunur), Nevada (6 nəfər), Pensilvaniya (20 nəfər), Şimali Karolina (15 nəfər) və Corciya (16 nəfər) ştatlarında səsvermənin nəticəsi bəlli deyil.
Mənbə: www.trthaber.com
