Mandatdan imtina, boykot
Gürcüstanda parlament seçkisinin ikinci turunun 14 dairəni əhatə edəcəyi açıqlanıb.
Oktyabrın 31-də keçirilmiş ilk tura 50 siyasi qüvvə qatılıb, 150 yerlik parlamentdə 120 mandat partiya siyahıları, 30 mandat dairələr üzrə səsverməyə çıxarılıb.
Novator.az bildirir ki, ilkin rəsmi nəticələrə görə, hakim Gürcü Arzusu – Demokratik Gürcüstan Partiyası proporsional sistemlə 61 mandat əldə edir.
Vahid Milli Hərəkat Partiyasının yaratdığı müxalif “Güc birlikdədir” bloku 35 mandata sahib çıxır.
Daha 24 mandat 1 faizlik səs həddini keçən yeddi siyasi qüvvə arasında bölünür.
Hakim partiyanın majoritar sistem üzrə azı 14 mandat götürdüyü bildirilir.
Hökumət qurmaq üçün 76 mandat tələb olunur.
Müxalifət parlament seçkisinin ilkin rəsmi nəticələri ilə barışmır. “Güc birlikdədir” bloku və parlamentə düşən digər müxalif qüvvələr mandat bölgüsündə və ikinci turda iştirakdan imtina edib. Onlar 31 oktyabr seçkisinin nəticələrinin ləğvi və yeni seçki tələbləri qoyur.
Gürcü Arzusu – Demokratik Gürcüstan Partiyası 2012-ci ildə yaradılıb, həmin il və 2016-cı ildə keçirilmiş parlament seçkilərində çoxluq əldə edərək hökumət qurub.
Partiyaya milyarder Bidzina İvanişvili sədrlik edir. Baş nazir postunu bu partiyanın təmsilçisi Georgi Qaxariya tutur. Dövlət başçısı Salome Zurabişvili 2018-ci ilin prezident seçkisində Gürcü Arzusu – Demokratik Gürcüstan Partiyasının namizədi olub.
Mənbə: Sputnik-georgia.ru
Gürcüstan: seçkinin ilkin nəticələri açıqlanıb
Müxalifət yeni seçki istəyir FOTO, VİDEO
