“France24”: Kilsədə törədilən qətlə görə 6 nəfər həbs olunub VİDEO
Fransa polisi ölkənin Nitsa kilsəsində törədilən qətlə görə 6 nəfəri həbs edib.
Qətli ötən həftənin cümə axşamı Tunisdən olan 21 yaşlı gənc törədib. “Allahu əkbər” qışqıra-qışqıra kilsədə bir qadının başını kəsən, həmçinin daha iki nəfəri bıçaqla öldürən tunisli hazırda xəstəxanaya yerləşdirilib.
Tunisli gəncin Avropaya bu il sentyabrın 20-də gəldiyi bildirilir. O, əvvəlcə İtaliyanın Tunis yaxınlığındakı Lampedusa adasına, oradan da Fransaya keçib.
Hadisə Fransanın “Charlie Hebdo” həftəlik jurnalında Məhəmməd peyğəmbərin növbəti karikaturasının dərcindən sonra baş verib. Nitsa kilsəsindən başqa “Charlie Hebdo”nun ofisinə də hücum olub.
Fransa prezidenti Emmanuel Makron deyib ki, o, müsəlmanların Məhəmməd peyğəmbərin karikaturasından şoka düşdüyünü anlaya bilər, lakin Fransa karikatura hüququndan qətiyyən imtina etməyəcək. O, “Əl-Cəzirə” kanalına müsahibəsində vurğulayıb: “Müsəlmanların karikaturaya əsəbləşməsini anlaya bilirəm, lakin heç vaxt şiddətə haqq qazandırmaram”.
Prezident bildirib ki, o, azadlığı və hüquqları qorumağı özünə borc bilir.
Mənbə: “France24”
https://www.france24.com/en/france/20201101-french-police-say-six-people-now-in-custody-over-deadly-church-stabbing-in-nice
https://www.france24.com/en/france/20201031-macron-says-understands-muslims-could-be-shocked-by-cartoons-of-mohammad
