UEFA reytinqi
UEFA-nın klub reytinqi yenilənib. Novator.az bildirir ki, Azərbaycan 16,625 əmsalla 55 UEFA üzvü arasında 26-cı sırada durur.
Reytinq Çempionlar Liqası və Avropa Liqasında son beş mövsümdə qazanılan əmsala əsaslanır.
İlk turu arxada qalan qrup raundunda qələbə 2 xal, heç-heçə 1 xaldır. Çempionlar Liqasının qrupuna düşmək 4 bonus xalı, 1/8 finala çıxmaq 5 bonus xalı, hər iki turnirin 1/4 finalına, yarımfinalına və finalına yüksəlmək 1 bonus xalı verir.
Toplanan xallar qitə turnirlərinə vəsiqə almış ölkə klublarının sayına bölünür və mində bir dəqiqliklə əmsal çıxarılır.
Cari reytinqə 82,569 əmsalla İspaniya başçılıq edir. İngiltərə ikinci (80,997 əmsal), İtaliya üçüncüdür (63,581 əmsal).
Çempionlar Liqasında və Avropa Liqasında 80 klub mübarizəni davam etdirir: Çempionlar Liqasının qruplarında 32, Avropa Liqasının qruplarında 48 komanda yer alır.
Hər birinin 7 komandası olan İspaniya, İngiltərə, İtaliya itkisiz irəliləyir.
Azərbaycanın yeganə nümayəndəsi “Qarabağ” Avropa Liqasının qrup raundunda yer alır.
