Start qolsuz və xalsız oldu
UEFA Çempionlar Liqasında qrup mərhələsi start götürüb. Novator.az-ın məlumatına görə, H qrupunda yarışan Türkiyə təmsilçisi “Başakşəhər” oktyabrın 20-si Almaniyada “Leypsiq”ə uduzub – 0:2.
PSJ (Fransa) – “Mançester Yunayted” (İngiltərə) oyunu 1:2 hesabı ilə bitib.
Qrupda ilk iki yeri tutan komandalar növbəti raunda çıxacaq, üçüncü yerin sahibi Avropa Liqasına köç edəcək.
2020-2021 mövsümündə mübarizəni davam etdirən 12 komandanın 1955-ci ildə yaradılmış, 1991-ci ilə qədər Çempionlar kuboku adlanmış turnirdə zəfəri var. “Real” 13, “Bavariya” və “Liverpul” 6, “Barselona” 5, “Ayaks” 4, “İnter” və “Mançester Yunayted” 3, “Yuventus” və “Portu” 2, “Marsel”, “Borussiya” (Dortmund) və “Çelsi” 1 titula sahibdir.
