Neytral meydan zoru
Azərbaycan və Ermənistanda UEFA bayrağı altında oyunlar keçirilməsi müvəqqəti yasaqlanıb. Oktyabrın 20-də çıxarılan qərar Azərbaycan milli futbol komandası və “Qarabağ” klubunu ev oyunlarını neytral meydanda keçirmək məcburiyyətində qoyur.
Novator.az bildirir ki, UEFA Millətlər Liqasının C divizionunun 1-ci qrupunda yer alan Azərbaycan milli komandası dörd turdan sonra 4 xal toplayıb. Lüksemburq və Monteneqronun 9, Kiprin 1 xalı var.
Qalan oyunların təqvimi belədir:
14 noyabr
Azərbaycan – Monteneqro
Kipr – Lüksemburq
17 noyabr
Lüksemburq – Azərbaycan
Monteneqro – Kipr.
Qrupun qalibi B divizionuna adlayacaq.
Birinci yeri tutmaq üçün Azərbaycan komandası qalan iki oyunun hər birində qalib gəlməli, Lüksemburq və Monteneqro isə həmçinin Kiprə uduzmalıdır.
Avropa Liqasının İ qrupuna düşən “Qarabağ” İspaniyanın “Vilyarreal”, İsrailin “Makkabi” (Tel-Əviv), Türkiyənin “Sivasspor” komandalarına rəqib olub.
22 oktyabr-10 dekabr arasında keçiriləcək qrup raundundan növbəti mərhələyə çıxmaq üçün azı ikinci yeri tutmaq gərəkdir.
Təqvim belədir:
22 oktyabr
“Makkabi” – “Qarabağ”
“Vilyarreal” – “Sivasspor”
29 oktyabr
“Qarabağ” – “Vilyarreal”
“Sivasspor” – “Makkabi”
5 noyabr
“Sivasspor” – “Qarabağ”
“Vilyarreal” – “Makkabi”
26 noyabr
“Qarabağ” – “Sivasspor”
“Makkabi” – “Vilyarreal”
3 dekabr
“Qarabağ” – “Makkabi”
“Sivasspor” – “Vilyarreal”
10 dekabr
“Vilyarreal” – “Qarabağ”
“Makkabi” – “Sivasspor”.
