Sahələr üzrə orta maaş
Dövlət Statistika Komitəsinin hesabatına görə, 2020-ci il sentyabrın 1-nə Azərbaycan iqtisadiyyatında muzdla çalışan işçilərin orta aylıq maaşı 710,2 manat olub.
Yanvarın 1-nə orta maaş 634,8 manat, fevralın 1-nə 712,1 manat, martın 1-nə 712,3 manat, aprelin 1-nə 744,5 manat, mayın 1-nə 736,2 manat, iyunun 1-nə 728,9 manat, iyulun 1-nə 720 manat, avqustun 1-nə 715,4 manat göstərilmişdi.
Novator.az bildirir ki, sentyabrın 1-nə iqtisadi fəaliyyət növləri orta maaş göstəriciləri belə rəsmiləşib:
mədən sənayesi – 3385,8 manat;
maliyyə və sığorta fəaliyyəti – 1783 manat;
peşə fəaliyyəti, elmi və texniki fəaliyyət – 1196,5 manat;
informasiya və rabitə – 1075,7 manat;
dövlət idarəetməsi və müdafiə; sosial təminat – 930,6 manat;
nəqliyyat və anbar təsərrüfatı – 883,8 manat
tikinti – 791 manat;
elektrik enerjisi, qaz və buxar istehsalı, bölüşdürülməsi və təchizatı – 699,6 manat;
emal sənayesi – 650,2 manat;
daşınmaz əmlakla əlaqədar əməliyyatlar – 617,2 manat;
su təchizatı, tullantıların təmizlənməsi və emalı – 564,4 manat;
turistlərin yerləşdirilməsi və ictimai iaşə – 541,4 manat;
ticarət; nəqliyyat vasitələrinin təmiri – 528,2 manat;
istirahət, əyləncə və incəsənət sahəsində fəaliyyət – 525,9 manat;
təhsil – 514,9 manat;
əhaliyə səhiyyə xidməti və sosial xidmətlərin göstərilməsi – 500,1 manat;
kənd təsərrüfatı, meşə təsərrüfatı və balıqçılıq – 423,7 manat;
inzibati və yardımçı xidmətlərin göstərilməsi – 420 manat;
digər sahələrdə xidmətlərin göstərilməsi – 664,7 manat.
Azərbaycanda minimum əməkhaqqı 250 manatdır.
