Qiymət və orta maaş nə qədər artıb?
Dövlət Statistika Komitəsi yeni hesabatlar yayıb. Novator.az bildirir ki, rəsmi açıqlamaya görə, 2020-ci ilin yanvar-sentyabr aylarında istehlak qiymətləri 2019-cu ilin eyni dövrünə nisbətən 2,9 faiz artıb, ərzaq məhsulları, içkilər və tütün məmulatları 5,2 faiz, qeyri-ərzaq məhsulları 1,3 faiz, ödənişli xidmətlər 1,1 faiz bahalaşıb.
Doqquz ayda pərakəndə ticarət dövriyyəsinin real ifadədə 1,6 faiz, o cümlədən qeyri-ərzaq malları üzrə 6,3 faiz azaldığı, ərzaq məhsulları, içkilər və tütün məmulatları üzrə 3,1 faiz yüksəldiyi vurğulanır.
Başqa bir hesabata əsasən, 2020-ci il sentyabrın 1-nə ölkə iqtisadiyyatında muzdla çalışan işçilərin sayı 1 milyon 670,9 min nəfər olub, onların orta aylıq nominal əməkhaqqı əvvəlki ilin müvafiq dövrünə nisbətən 20,5 faiz artaraq 710,2 manata çatıb.
