Qaldı 68 mandat
Litvada parlament seçkisinin ikinci turu oktyabrın 25-nə təyin olunub.
141 yerlik Seymin 70 deputatı proporsional, 71 deputatı majoritar sistemlə seçilir.
Novator.az-ın məlumatına görə, oktyabrın 11-də keçirilmiş ilk turda Vətən İttifaqı – Xristian Demokratlar Partiyası proporsional sistem üzrə 23, majoritar sistem üzrə 1 mandat əldə edib.
Kəndlilər və Yaşıllar İttifaqı proporsional sistemlə 16, Əmək Partiyası 9, Sosial Demokrat Partiyası 8, Azadlıq Partiyası 8, Liberallar Hərəkatı 6 mandat götürüb.
Litva Polyakları və Xristian Ailələri İttifaqı majoritar sistem üzrə 2 mandat qazanıb.
68 mandatın taleyinə ikinci turda aydınlıq gələcək.
