2020-ci ilin fiziologiya və tibb üzrə Nobel mükafatına Harvi Alter, Çarlz Rays (hər ikisi ABŞ), Maykl Houton (Böyük Britaniya); fizika üzrə Nobel mükafatına Rocer Penrouz (Böyük Britaniya), Reynhard Genzel (Almaniya), Andrea Ges (ABŞ); kimya üzrə Nobel mükafatına Emmanuel Şarpentye (Fransa), Cennifer Dudna (ABŞ); ədəbiyyat üzrə Nobel mükafatına Luiza Qlyuk (ABŞ); Nobel sülh mükafatına BMT-nin Dünya Ərzaq Proqramı; iqtisadiyyat üzrə Nobel mükafatına Pol Milqrom, Robert Uilson (hər ikisi ABŞ) layiq görülüblər.
Nobel mükafatı 1901-ci ildə təsis olunub.
Novator.az bildirir ki, ABŞ Nobel mükafatı sayına görə ilk sırada durur: 386 mükafat.
Böyük Britaniya 133 Nobel mükafatı ilə ikinci, Almaniya 108 mükafatla üçüncüdür.
Fransanın 71, İsveçin 32, Rusiyanın (Sovet İttifaqı ilə birgə) 31, İsveçrə və Yaponiyanın 28 Nobeli var.
Kanada 27, Avstriya 22, Niderland 21, İtaliya 20, Polşa 19, Avstraliya 14, Danimarka, Macarıstan və Norveç 13, Hindistan 12, Belçika, İrlandiya və Cənubi Afrika Respublikası 11 Nobel əldə edib.
