Final qapısına bir addım qaldı
16-cı Avropa futbol çempionatının final mərhələsinə son 4 vəsiqə uğrunda mübarizə start götürüb. Novator.az-ın məlumatına görə, oktyabrın 8-də keçirilmiş ələmə oyunlarında İslandiya, Macarıstan, Şimali İrlandiya, Slovakiya, Şotlandiya, Serbiya, Gürcüstan və Şimali Makedoniya mərhələ adlayıblar.
Noyabrın 12-nə təyin olunmuş son ələmədə cütlüklər belə müəyyənləşib:
Macarıstan – İslandiya
Şimali İrlandiya – Slovakiya
Serbiya – Şotlandiya
Gürcüstan – Şimali Makedoniya.
2020-ci ildə koronavirus pandemiyasına görə təxirə salınmış 16-cı Avropa çempionatı 2021-ci ilin iyun-iyul aylarında Bakı, Sankt-Peterburq, Buxarest, Budapeşt, Kopenhagen, Amsterdam, Münhen, Roma, Bilbao, London, Dublin, Qlazqo şəhərlərində keçiriləcək. 20 komanda finala vəsiqəni daha əvvəl təmin edib: Almaniya, Rusiya, İspaniya, Fransa, İtaliya, Çexiya, Hollandiya, İngiltərə, Danimarka, Portuqaliya, İsveç, Belçika, Xorvatiya, İsveçrə, Türkiyə, Polşa, Avstriya, Ukrayna, Uels, Finlandiya.
