Yeni qayda, uzağı 20 min manat
Nazirlər Kabineti “Mikro, kiçik və orta sahibkarlığın inkişafı ilə əlaqədar təhsil, elm, tədqiqat və dəstək layihələrinin maliyyələşdirilməsi qaydası”nı təsdiqləyib.
Mikro, kiçik və orta sahibkarlığın inkişafı ilə əlaqədar layihələrin maliyyələşdirilməsini Kiçik və Orta Biznesin İnkişafı Agentliyi müsabiqələr yolu ilə həyata keçirir. Müsabiqələr bu sahələr üzrə aparılır: təhsil layihələri; elm layihələri; tədqiqat layihələri; dəstək layihələri.
Hər bir şəxsin hər müsabiqə çərçivəsində yalnız 1 layihə təqdim etmək hüququ var. Müsabiqəyə təqdim olunmuş layihələrin icra müddəti 3 aydan az, 12 aydan çox olmamalıdır. Hər bir layihə üzrə maliyyələşdirilmə məbləğinin dəyəri 20 min manatı ötə bilməz. Layihələrə ayrılmış maliyyə vəsaiti Azərbaycan manatı ilə nağdsız qaydada ödənir.
