Hepatit C tədqiqatçılarına Nobel mükafatı verildi
2020-ci ilin fiziologiya və tibb üzrə Nobel mükafatına amerikalı alimlər Harvi Alter, Çarlz Rays və böyük britaniyalı alim Maykl Houton layiq görülüblər.
Novator.az xəbər verir ki, qərarı oktyabrın 5-də İsveç Elmlər Akademiyası açıqlayıb.
Alimlər Nobel mükafatına Hepatit C virusu sahəsində əldə etdikləri yeniliyə görə layiq görülüblər. Arayışa əsasən, alimlərin kəşfi ilk dəfə Hepatit C viruslu xəstəliyin müalicəsinə imkan verir. Onların yeniliyi xroniki hepatit xəstəliyinin fəsadlarının qalması səbəbini üzə çıxarır, milyonlarla insanın həyatını xilas edə biləcək qan analizləri və yeni dərmanların tətbiqinə imkan yaradır.
Nobel mükafatının məbləği 1,1 milyon dollara yaxındır.
Səidə Hüseynova
