“Qarabağ”ın qrupu, rəqiblər
Oktyabrın 2-də UEFA Avropa Liqasının qrup mərhələsinin püşkü atılıb. Novator.az-ın məlumatına görə, Azərbaycan təmsilçisi “Qarabağ” İ qrupuna düşərək İspaniyanın “Vilyarreal”, İsrailin “Makkabi” (Tel-Əviv), Türkiyənin “Sivasspor” komandalarına rəqib olub.
1923-cü ildə yaradılan “Vilyarreal” bir dəfə İspaniya çempionatında gümüş medallara sahib çıxıb.
Əsası 1906-cı ildə qoyulan “Makkabi” 23 dəfə İsrail çempionu olub, 23 dəfə ölkə kubokunu qazanıb.
“Sivasspor” 1967-ci ildə qurulub. Bir dəfə Türkiyə çempionatında ikinci yeri tutub.
22 oktyabr-10 dekabr arasında keçiriləcək qrup raundundan növbəti mərhələyə çıxmaq üçün azı ikinci yeri tutmaq gərəkdir.
“Qarabağ” mövsümə Çempionlar Liqasından başlayıb, birinci mərhələdə Şimali Makedoniyanın “Sileks” komandasını (4:0), ikinci mərhələdə Moldovanın “Şerif” klubunu (2:1) ələyib, üçüncü mərhələdə Norveç “Molde”sinə uduzub (0:0, penalti seriyasında – 5:6).
Avropa Liqasının dördüncü raundunda “Qarabağ” Polşanın “Legiya” klubuna 3:0 hesabı ilə üstün gəlib.
Əsası 1951-ci ildə Ağdam şəhərində qoyulan “Qarabağ” komandası 1 dəfə Azərbaycan SSR-in, 8 dəfə müstəqil Azərbaycanın çempionu olub.
Komanda 2014-2015, 2015-2016, 2016-2017, 2018-2019, 2019-2020 mövsümlərində Avropa Liqasının qrup mərhələsində, 2017-2018 mövsümündə Çempionlar Liqasının qrup mərhələsində oynayıb.
