Qaldı 80 klub
UEFA Çempionlar Liqasında və Avropa Liqasında təsnifat mərhələləri bitib. Novator.az bildirir ki, 2020-2021 mövsümünə buraxılmış 237 klubdan 80-ni mübarizəni davam etdirir: Çempionlar Liqasının qruplarında 32, Avropa Liqasının qruplarında 48 komanda yer alır.
55 UEFA üzvünün 27-si, o cümlədən Qazaxıstan, Belarus, Litva, Ermənistan, Latviya, Gürcüstan, Moldova, Estoniya bütün təmsilçilərini itirib.
Hər birinin 7 komandası olan İspaniya, İngiltərə, İtaliya itkisiz irəliləyir.
Azərbaycanın yeganə nümayəndəsi “Qarabağ” Avropa Liqasının qrup raundunda yer alır.
“Qarabağ” mövsümə Çempionlar Liqasından başlayıb, birinci mərhələdə Şimali Makedoniyanın “Sileks” komandasını (4:0), ikinci mərhələdə Moldovanın “Şerif” klubunu (2:1) ələyib, üçüncü mərhələdə Norveç “Molde”sinə uduzub (0:0, penalti seriyasında – 5:6).
Avropa Liqasının dördüncü raundunda “Qarabağ” komandası Polşanın “Legiya” klubuna 3:0 hesabı ilə üstün gəlib.
Əsası 1951-ci ildə Ağdam şəhərində qoyulan “Qarabağ” komandası 1 dəfə Azərbaycan SSR-in, 8 dəfə müstəqil Azərbaycanın çempionu olub.
Komanda 2014-2015, 2015-2016, 2016-2017, 2018-2019, 2019-2020 mövsümlərində Avropa Liqasının qrup mərhələsində, 2017-2018 mövsümündə Çempionlar Liqasının qrup mərhələsində oynayıb.
