Varşavada “Qarabağ” zəfəri
Azərbaycanı UEFA Avropa Liqasının dördüncü raundunda təmsil edən “Qarabağ” komandası oktyabrın 1-i Polşanın paytaxtı Varşavada yerli “Legiya” klubuna qonaq olub. 3:0 hesabı ilə üstün gələn “Qarabağ” qrup raunduna yüksəlib.
“Qarabağ” 2020-2021 mövsümünə Çempionlar Liqasından başlayıb, birinci mərhələdə Şimali Makedoniyanın “Sileks” komandasını (4:0), ikinci mərhələdə Moldovanın “Şerif” klubunu (2:1) ələyib, üçüncü mərhələdə Norveç “Molde”sinə uduzub (0:0, penalti seriyasında – 5:6).
