Cenevrə konvensiyaları
Novator.az bildirir ki, müharibə qurbanlarının müdafiəsi haqqında Cenevrə konvensiyaları Beynəlxalq Qırmızı Xaç Komitəsinin 1949-cu il avqustun 12-si İsveçrənin Cenevrə şəhərində keçirilən konfransında təsdiqlənib.
Beynəlxalq humanitar hüququn əsas sənədləri sayılan konvensiyalar bunlardır:
“Döyüşən ordularda yaralıların və xəstələrin vəziyyətinin yaxşılaşdırılması haqqında” konvensiya;
“Dəniz silahlı qüvvələrinin tərkibindən olan yaralıların, xəstələrin və gəmi qəzasına uğramış şəxslərin vəziyyətinin yaxşılaşdırılması haqqında” konvensiya;
“Hərbi əsirlərlə rəftar haqqında” konvensiya;
“Müharibə zamanı mülki əhalinin müdafiəsi haqqında” konvensiya.
Azərbaycan konvensiyalara Milli Məclisin 21 aprel 1993-cü il qərarı ilə qoşulub.
