Sentyabrın 28-də qərar qəbul edən Nazirlər Kabineti Azərbaycan ərazisində hərbi vəziyyətlə əlaqədar tətbiq edilən komendant saatı müddətində əməkdaşlarının xidməti vəsiqə ilə hərəkətinə icazə verilən dövlət orqanlarının (qurumlarının) siyahısını və əməkdaşlarının İcaze.e-gov.az portalından qeydiyyatdan keçməklə hərəkətinə icazə verilən dövlət orqanlarının (qurumlarının) siyahısını təsdiqləyib.
Qərar həmçinin komendant saatı müddətində fəaliyyətinə icazə verilən sahələrin siyahısını rəsmiləşdirir. Həmin sahələrdə fəaliyyət göstərən şəxslər barədə məlumatlar İcaze.e-gov.az portalına daxil edildikdən sonra onların hərəkətinə yol verilir.
