Bakıda orta maaş, başqa göstəricilər
2020-ci il avqustun 1-nə Azərbaycan paytaxtında muzdla işləyənlərin orta aylıq nominal əməkhaqqı 948,5 manata çatıb. Novator.az-ın məlumatına görə, Bakı Şəhər Statistika İdarəsi belə hesabat yayıb.
Rəsmi açıqlamada qeyd olunur ki, yanvar-avqust aylarında sənayedə istehsalın və xidmətlərin həcmi 2019-cu ilin eyni dövrü ilə müqayisədə 3,4 faiz, ticarət dövriyyəsinin həcmi 0,9 faiz, ictimai iaşə dövriyyəsi real ifadədə 57,3 faiz, ödənişli xidmətlərin dəyəri 26,9 faiz azalıb.
Hesabata əsasən, yanvar-avqust aylarında tikinti müəssisələrinin yerinə yetirdiyi inşaat işlərinin 65,1 faizi tikinti, yenidənqurma və genişləndirmə, 7,1 faizi əsaslı təmir, 5,7 faizi cari təmir, 22,1 faizi sair tikinti işlərinin payına düşüb.
