İtalyanlar parlamenti qayçıladı
İtaliyada sentyabrın 20-21-də keçirilmiş konstitusiya referendumunun nəticələri açıqlanıb. Novator.az bildirir ki, rəsmi məlumata əsasən, referenduma qatılanların 69,96%-i, 18 milyona yaxın seçici parlamentin aşağı və yuxarı palatalarının ixtisarına dəstək verib. Yeniliyə görə, aşağı palatada deputatların sayı 630-dan 400-ə, yuxarı palatada senatorların sayı 315-dən 200-ə düşür.
İxtisar təşəbbüsünü hökumət koalisiyasına daxil olan “5 ulduz” hərəkatı dövlət xərclərini azaltmaq istəyi ilə irəli sürüb.
2018-ci il martın 4-də parlamentin Deputatlar Palatasına və Senata seçkidə Şimal Liqası ilə “5 ulduz” hərəkatı qalib gələrək koalisiya qurub. Ötən ilin avqust ayında Şimal Liqası koalisiyadan çıxıb. Hazırda Cüzeppe Kontenin baş nazirlik etdiyi hökumətdə “5 ulduz” hərəkatı Demokrat Partiyası ilə müttəfiqdir.
