“Qarabağ” səfərdə oynayacaq
Sentyabrın 18-də UEFA Avropa Liqasının dördüncü mərhələsinin püşkü atılıb. Novator.az-ın məlumatına görə, Azərbaycan təmsilçisi “Qarabağ”a üçüncü mərhələdəki (24 sentyabr) “Legiya” (Polşa) – “Drita” (Kosovo) cütlüyünün qalibi rəqib olub. Oyun oktyabrın 1-i səfərdə keçiriləcək.
“Qarabağ” 2020-2021 mövsümünə Çempionlar Liqasından başlayıb, birinci mərhələdə Şimali Makedoniyanın “Sileks” komandasını (4:0), ikinci mərhələdə Moldovanın “Şerif” klubunu (2:1) ələyib, üçüncü mərhələdə Norveç “Molde”sinə uduzub (oyunun əsas və əlavə vaxtlarında hesab açılmayıb, penalti seriyasında rəqib üstün gəlib – 6:5).
