Manatdan baha…
Novator.az Mərkəzi Bankın təqdim etdiyi məzənnə cədvəlində hansı valyutaların Azərbaycan manatından baha olmasına nəzər salıb.
Rəsmi kursu ən yüksək olan valyuta Küveyt dinarıdır: 5,5605 manat.
İngiltərə funt sterlinqi bahalığa görə ikinci (2,2029 manat), avro üçüncü (2,0142 manat) yerdə gəlir.
İlk beşlikdə həmçinin İsveçrə frankı (1,8713 manat) ilə ABŞ dolları (1,7 manat) var.
Manatdan baha olan digər valyutalar belə sıralanır:
Kanada dolları – 1,2917 manat
Sinqapur dolları – 1,2534 manat
Avstraliya dolları – 1,2438 manat
Yeni Zelandiya dolları – 1,1539 manat.
2015-ci ilin devalvasiyaları nəticəsində dolların məzənnəsi 0,7844 manatdan 1,5594 manata yüksəlib.
2016-cı ildə rəsmi kurs 1,7707 manata çatıb.
2017-ci ili 1,7001 manatla yola salan dollar 2018-ci il martın 7-dən banklara 1,7 manata təklif olunur.
Avro 2020-ci ilə 1,9025 manatla başlayıb. Maksimal qiymət 2,0284 manat olub.
Gürcüstan larisi 0,5947 manatla start götürüb. Ən yüksək rəsmi məzənnə 0,6122 manat göstərilib.
Rusiya rublu ilə 0,0275 manatla girib. Yuxarı qiymət 0,0278 manat həddində rəsmiləşib.
Türkiyə lirəsi yola 0,2849 manatla çıxıb. Rəsmi məzənnənin zirvəsi 0,2895 manatdır.
Dövlət Neft Fondu Mərkəzi Bankın 2020-ci ilin yanvar-avqust aylarında keçirdiyi valyuta hərraclarında 5 milyard 3,7 milyon dollar məbləğində vəsait satıb.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar, 2019-cu ildə 6,6 milyard dollar göstərilib.
