Turizmsizlik…
Dövlət Statistika Komitəsi turizmin vəziyyəti haqqında hesabat yayıb. Novator.az-ın məlumatına görə, Dövlət Sərhəd Xidmətinə istinadla yayılan rəsmi hesabatda qeyd olunur ki, 2020-ci ilin yanvar-avqust aylarında Azərbaycana 155 ölkədən 649,7 min və ya əvvəlki ilin eyni dövrü ilə müqayisədə 3,3 dəfə az əcnəbi gəlib.
Ölkəyə gələnlərin 28,6 faizinin Rusiya, 25,6 faizinin Gürcüstan, 17 faizinin Türkiyə, 7,8 faizinin İran vətəndaşları olduğu vurğulanır.
Hesabata əsasən, 2019-cu ilin yanvar-avqust ayları ilə müqayisədə xarici ölkələrə gedən Azərbaycan vətəndaşlarının sayı 3,6 dəfə azalaraq 1034,3 min nəfər olub, onların 31,8 faizi İrana, 28,5 faizi Gürcüstana, 19,9 faizi Rusiyaya, 11,7 faizi Türkiyəyə, 8,1 faizi digər ölkələrə səfər edib.
