İnfeksiya: neçə jurnalist ölüb?
“Press Emblem Campaign” beynəlxalq təşkilatı koronavirus xəstəliyindən ölən jurnalistlərin sayını açıqlayıb. Novator.az-ın məlumatına görə, təşkilatın hesabatında 2020-ci ilin mart ayından bəri 47 ölkədə azı 366 jurnalistin koronavirus üzündən həyatını itirdiyi bildirilir.
Rəsmi açıqlamaya əsasən, Latın Amerikasında 205, Asiyada 90, Avropada 28, Afrikada 22, Şimali Amerikada 21 jurnalist pandemiyanın qurbanı olub.
Ən çox jurnalist itkisi Peruda qeydə alınıb: 82 nəfər.
Sonrakı yerlərdə Ekvador (40 jurnalist), Hindistan (36), Banqladeş (31), Meksika (26), ABŞ (20), Braziliya (19), Pakistan (10), Boliviya, Böyük Britaniya və Nigeriya (hərəsində 8) gəlir.
“Press Emblem Campaign” onu da qeyd edir ki, ilin əvvəlindən dünyada 54 jurnalist öldürülüb.
Səidə Hüseynova
