Gəlir-çıxar statistikası
Novator.az bəzi makroiqtisadi göstəricilərə nəzər salıb. Dövlət Statistika Komitəsinin rəsmi hesabatına görə, 2020-ci ilin yanvar-avqust aylarında kәnd tәsәrrüfatının ümumi mәhsulu 2019-cu ilin səkkiz ayı ilә müqayisәdә 1,9 faiz, o cümlәdәn bitkiçilik mәhsulları istehsalı 0,6 faiz, heyvandarlıq mәhsulları istehsalı 3,2 faiz artıb.
İnformasiya vә rabitә xidmәtlәrinin hәcmində artım 1,1 faiz göstərilir.
Qeyd olunur ki, yanvar-avqust aylarında yük daşınması 2019-cu ilin eyni dövrünə nəzərən 18,3 faiz, sәrnişin daşınması 35,2 faiz düşüb.
İctimai iaşә xidmәtlәrinin hәcminin ötәn ilin yanvar-avqust ayları ilә müqayisәdә 2,1 dәfә, ödәnişli xidmәtlәrdәn gәlirin 24 faiz azaldığı vurğulanır.
Yanvar-avqust aylarında dövlәt büdcәsinә 15 milyard 954,7 milyon manat vәsaitin daxil olduğu, büdcәdәn 16 milyard 356,2 milyon manat vәsaitin xәrclәndiyi bildirilir.
Əhalinin gәlirlәrinin nominal ifadәdә 0,1 faiz artaraq 36 milyard 809,4 milyon manata çatdığı qeyd edilir.
