![]({"full":{"0":"2020\/09\/NMR.jpg","1":750,"2":454,"3":false,"file":"https:\/\/novator.az\/wp-content\/uploads\/2020\/09\/NMR.jpg"}})
Naxçıvanda orta maaş, başqa göstəricilər
- 11 Sentyabr 2020
- comments
- Səidə Hüseynova
- Posted in Xəbər
Naxçıvan Muxtar Respublikasının Dövlət Statistika Komitəsi yeni sosial-iqtisadi göstəricilər açıqlayıb. Novator.az bildirir ki, rəsmi hesabata görə, 2020-ci ilin yanvar-avqust aylarında muxtar respublikada 1,8 milyard manatlıq ümumi daxili məhsul istehsal olunub, bu da 2019-cu ilin eyni dövrünə nəzərən 0,7 faiz çoxdur.
Adambaşına ümumi daxili məhsul 3999,5 manat göstərilir.
2019-cu ilin səkkiz ayına nəzərən sənayedə 1 faiz, kənd təsərrüfatında 3,6 faiz, sərmayə qoyuluşunda 1,1 faiz, informasiya və rabitə xidmətlərində 4,5 faiz yüksəlişin qeydə alındığı vurğulanır.
Qeyd olunur ki, nəqliyyat sektorunda yük daşınması ötən ilin səkkiz ayına nəzərən 1,4 faiz, pərakəndə əmtəə dövriyyəsi 0,9 faiz, əhaliyə göstərilən ödənişli xidmətlər 1,7 faiz geriləyib.
2019-cu ilin yanvar-avqust ayları ilə müqayisədə xarici ticarət dövriyyəsində və ixracda 0,8 faiz, idxalda 0,9 faiz artımın qeydə alındığı bildirilir.
Hesabata əsasən, avqustun 1-nə muxtar respublika iqtisadiyyatında bir işçiyə hesablanmış orta aylıq əməkhaqqı 527,6 manat olub.