Hüseyn Məlikə 15 sutka kəsilib
Sentyabrın 11-də Səbail Rayon Məhkəməsi Azərbaycan Demokratiya və Rifah (ADR) Hərəkatının İdarə Heyətinin üzvü Hüseyn Məlikə 15 sutka inzibati həbs cəzası kəsib. O, polis işçisinin qanuni tələbinə qəsdən tabe olmamaqda təqsirli bilinib.
“Turan”ın məlumatına görə, Hüseyn Məlik sentyabrın 10-u axşam yaşadığı mənzildən Səbail Rayon Polis İdarəsinin 41-ci bölməsinə aparılıb.
ADR Hərəkatı bildirir ki, Hüseyn Məlik “Facebook”da tənqidi statuslarına görə tutulub.
1962-ci il təvəllüdlü Hüseyn Məlik xalq hərəkatının (1988-1991) öncül şəxslərindəndir.
Azərbaycan Demokratiya və Rifah Hərəkatını 2015-ci ildə yaradılıb. Quruma iqtisadçı alim Qubad İbadoğlu sədrlik edir.
