Dodon yenə prezident olmaq istəyir
Noyabrın 1-i Moldovada prezident seçkisi keçiriləcək. Novator.az-ın məlumatına görə, indiki dövlət başçısı İqor Dodon seçkiyə müstəqil namizəd kimi qoşulmaq qərarı verib.
1975-ci il təvəllüdlü İqor Dodon iqtisad elmləri doktorudur. Moldova hökumətində müxtəlif postlar, o cümlədən baş nazirin birinci müavini, iqtisadiyyat və ticarət naziri vəzifələrini tutub, Sosialist Partiyasının sədri olub. 2016-cı il noyabrın 13-də keçirilən ümumxalq səsverməsində prezident seçilib.
Moldovada prezidentin səlahiyyət müddəti 4 ildir.
1 noyabr seçkisinə daha 10 nəfər qatılıb. Namizəd kimi qeydə alınmaq üçün 15-25 min arası seçicinin imzasını yığmaq tələb olunur.
Moldova parlament respublikasıdır, hökuməti 101 yerlik qanunverici orqanda mandatların yarıdan çoxuna sahib olan partiya qurur.
