Prezident İlham Əliyev sentyabrın 7-də paytaxtın Nizami rayonundakı 251 nömrəli tam orta məktəbdə aparılan əsaslı təmir işləri ilə tanış olub, təhsil ocağının yeni korpusunun açılışında iştirak edib.

AZƏRTAC xəbər verir ki, 1974-cü ildən fəaliyyətdə olan məktəbdə ümumilikdə 1700-ə yaxın şagird təhsil alıb, onların təxminən yarısı ikinci növbədə dərsə gəlib, böyük sıxlıq olub. Yeni korpusun bu problemi aradan qaldıracağı vurğulanır.

840 şagird yerlik yeni korpusda kimya, fizika, biologiya laboratoriyaları, 35 sinif otağı, kitabxana, oxu zalı və yardımçı otaqlar var.