Debütdə məyusluq
UEFA Millətlər Liqasının C divizionunun 1-ci qrupunda yarışan Azərbaycan milli komandası sentyabrın 5-də ilk oyununu keçirib. Novator.az-ın məlumatına görə, Bakı Olimpiya Stadionunda Lüksemburqu qəbul edən yığma 1:2 hesabı ilə uduzub.
Qrupdakı Kipr – Monteneqro matçında qonaqlar 2 cavabsız topla üstün olublar.
Qalan oyunların təqvimi belədir:
8 sentyabr
Lüksemburq – Monteneqro
Kipr – Azərbaycan
10 oktyabr
Lüksemburq – Kipr
Monteneqro – Azərbaycan
13 oktyabr
Azərbaycan – Kipr
Monteneqro – Lüksemburq
14 noyabr
Azərbaycan – Monteneqro
Kipr – Lüksemburq
17 noyabr
Lüksemburq – Azərbaycan
Monteneqro – Kipr.
A divizionunun 1-ci qrupunda Niderland, İtaliya, Bosniya, Polşa; 2-ci qrupunda İngiltərə, Belçika, Danimarka, İslandiya; 3-cü qrupunda Portuqaliya, Fransa, İsveç, Xorvatiya; 4-cü qrupunda İsveçrə, İspaniya, Ukrayna, Almaniya mübarizə aparır.
A divizionu qruplarının qalibləri 2021-ci ilin yayına təyin olunan final mərhələsində iştirak edəcək.
B divizionunun 1-ci qrupunda Avstriya, Norveç, Şimali İrlandiya, Rumıniya; 2-ci qrupunda Çexiya, Şotlandiya, Slovakiya, İsrail; 3-cü qrupunda Rusiya, Serbiya, Türkiyə, Macarıstan; 4-cü qrupunda Uels, Finlandiya, İrlandiya, Bolqarıstan yarışır.
C divizionunun 2-ci qrupunda Gürcüstan, Şimali Makedoniya, Estoniya, Ermənistan; 3-cü qrupunda Yunanıstan, Kosovo, Sloveniya, Moldova; 4-cü qrupunda Albaniya, Belarus, Litva, Qazaxıstan yer alır.
D divizionunun 1-ci qrupunda Farer adaları, Latviya, Andorra, Malta; 2-ci qrupunda Cəbəllütariq, Lixtenşteyn, San Marino var.
B, C, D divizionları qruplarının qalibləri yuxarı diviziona adlamaq hüququ qazanacaq.
A, B divizionu qruplarının sonuncuları və C divizionunun ən zəif iki komandası aşağı diviziona yuvarlanacaq.
Lüksemburqla oyun Azərbaycan milli komandasının italyan baş məşqçisi Canni De Byazinin debüt matçı kimi tarixə düşüb. O, milli komandaya 2020-ci il iyulun 10-dan baş məşqçilik edir.
1956-cı il təvəllüdlü Canni De Byazi futbolçu karyerası ərzində ölkəsində bir çox klubun, o cümlədən “İnter”, “Peskara”, “Breşia”, “Palermo”, “Viçensa” komandalarının yarımmüdafiəçi olub.
Məşqçi kimi Canni De Byazi bir çox komandada, o cümlədən İtaliyanın “Karpi”, SPAL, “Modena”, “Breşia”, “Torino”, “Udineze”, İspaniyanın “Levante”, “Alaves” klublarında çalışıb, Albaniya milli komandasının başında dayanıb.
