Azərbaycan nefti neçəyədir?
Energetika Nazirliyinin 2 sentyabr məlumatına görə, Azərbaycan nefti “AzəriLayt”ın bir barreli 45,92 dollara satılır. Bu, yeni büdcə qiymətindən 11 dollara yaxın yuxarı qiymətdir.
2020-ci ilin yenilənən dövlət büdcəsində bir barrel neftin qiyməti 35 dollardır. Novator.az bildirir ki, “AzəriLayt” yanvara 70,04, fevrala 62,15, marta 53,77, aprelə 19,43, maya 22,92, iyuna 38,14, iyula 43,02, avqusta 44,36 dollarla başlayıb.
Xam neft hasilatı yanvarda 678 min barrel, fevralda 667,4 min barrel, martda 683,7 min barrel, apreldə 679,8 min barrel, mayda 557,2 min barrel, iyunda 553,8 min barrel, iyulda 554,1 min barrel həcmində rəsmiləşib.
2020-ci ildə Azərbaycan neftinin minimal qiyməti aprelin 21-də qeydə alınıb: bir barrel 15,81 dollara təklif olunub.
Neft koronavirus pandemiyası fonunda kəskin ucuzlaşıb. Aprelin 12-də iri neft ixracatçıları – OPEK ölkələri (Anqola, Birləşmiş Ərəb Əmirlikləri, Ekvador, Ekvatorial Qvineya, Əlcəzair, İraq, İran, Konqo, Küveyt, Qabon, Liviya, Nigeriya, Səudiyyə Ərəbistanı, Venesuela) və 10 qeyri-OPEK ölkəsi (Azərbaycan, Bəhreyn, Bruney, Cənubi Sudan, Qazaxıstan, Malayziya, Meksika, Oman, Rusiya, Sudan) gündəlik hasilatı mərhələlərlə azaltmaq razılığına gəliblər.
