“Qarabağ” mərhələ keçsə…
Sentyabrın 1-də UEFA Çempionlar Liqasının 2020-2021 mövsümünün dördüncü raundunun püşkü atılıb.
Azərbaycanı turnirdə “Qarabağ” komandası təmsil edir. “Qarabağ” birinci mərhələdə Şimali Makedoniyanın “Sileks” komandasını (4:0), ikinci mərhələdə Moldovanın “Şerif” klubunu (2:1) ələyib. Hər iki oyun Bakıda keçirilib.
Üçüncü mərhələdə (15-16 sentyabr) “Qarabağ”a Norveçdən “Molde” qismət olub. Oyun Bakıya salınıb.
Novator.az bildirir ki, mərhələ keçəcəyi halda “Qarabağ” dördüncü raundda (22-30 sentyabr) “Ferensvaroş” (Macarıstan) – “Dinamo” Xorvatiya cütlüyünün qalibi ilə üz-üzə gələcək.
Ələmələrdə yalnız dördüncü mərhələ cüt oyunlardan ibarətdir.
Qrup mərhələsində bu komandalar var: İspaniyadan “Real”, “Barselona”, “Atletiko”, “Sevilya”; İngiltərədən “Liverpul”, “Mançester Siti”, “Mançester Yunayted”, “Çelsi”; İtaliyadan “Yuventus”, “İnter”, “Atalanta”, “Latsio”; Almaniyadan “Bavariya”, “Borussiya” (Dortmund), “Leypsiq”, “Borussiya” (Mönhenqladbah); Fransadan PSJ, “Marsel”, “Renn”; Rusiyadan “Zenit”, “Lokomotiv” (Moskva); Portuqaliyadan “Portu”, Belçikadan “Brügge”, Ukraynadan “Şaxtyor”, Türkiyədən “Başakşəhər”, Niderlanddan “Ayaks”.
