Prezident partiyası seçkini uduzdu
Monteneqroda avqustun 30-da keçirilmiş parlament seçkisi hakim Sosialist Demokrat Partiyasının məğlubiyyəti ilə başa çatıb. Novator.az-ın məlumatına görə, prezident Milo Cukanoviçin liderlik etdiyi partiya 81 yerlik parlamentə 30 mandat əldə edib.
İlkin nəticələrə əsasən, üç müxalif qüvvəni birləşdirən “Monteneqronun gələcəyi uğrunda” koalisiya 41 mandatla çoxluğa sahib çıxıb.
Digər 10 mandat başqa partiyalara qismət olub.
Sosialist Demokrat Partiyasının lideri Milo Cukanoviç 2018-ci ildə prezident seçilib. O, 1991-1998, 2003-2006, 2008-2010 və 2012-2016-cı illərdə baş nazir, 1998-2002-ci illərdə prezident postunu tutub.
