![]({"full":{"0":"2020\/08\/Sindzo-Abe.jpg","1":756,"2":425,"3":false,"file":"https:\/\/novator.az\/wp-content\/uploads\/2020\/08\/Sindzo-Abe.jpg"}})
Yaponiyanın baş naziri, Liberal Demokrat Partiyasının lideri Sindzo Abe avqustun 28-də istefa bəyanatı verib. Novator.az-ın məlumatına görə, səhhətində problemlər olduğunu açıqlayan baş nazir varis müəyyənləşənə qədər postda qalacağını bildirib.
Sindzo Abe 1954-cü il sentyabrın 21-də paytaxt Tokioda doğulub. Ölkəsində və ABŞ-da politoloq ixtisası üzrə ali təhsil alıb.
1993-cü ildən Yaponiya parlamentinin aşağı palatasının deputatı, 2006-cı ildən Liberal Demokrat Partiyasının sədridir. 2006-2007-ci illərdə hökumətə başçılıq edib.
Sindzo Abe 2012-ci il dekabrın 26-dan baş nazirdir. 2012, 2014, 2017-ci illərin parlament seçkilərində Liberal Demokrat Partiyası və müttəfiqləri qalib gəlib.