Parlamentdə “Xarı bülbül”
Milli Məclisin sədri Sahibə Qafarova parlamentin inzibati binasındakı görüş otaqları və iclas salonlarına ad verib. Sərəncama əsasən, iclas salonları “İstiqlal”, “Respublika”, “Qarabağ”, “Xəzər” və “Xarı bülbül” bağı, görüş otaqları “İpək yolu” və “Odlar yurdu” adları alıb.
Milli Məclisin hazırda 120 deputatı var. Prezident İlham Əliyevin sədrlik etdiyi Yeni Azərbaycan Partiyası parlamentdə 70 deputatla təmsil olunur.
Vətəndaş Həmrəyliyi Partiyası 3, Respublikaçı Alternativ Partiyası, Demokratik İslahatlar Partiyası, Böyük Quruluş Partiyası, Bütöv Azərbaycan Xalq Cəbhəsi Partiyası, Ana Vətən Partiyası, Milli Cəbhə Partiyası, Vəhdət Partiyası, Vətəndaş Birliyi Partiyası, Demokratik Maarifçilik Partiyası hərəyə 1 mandata sahibdir.
38 deputat partiyasızdır.
98 saylı Şəmkir şəhər dairəsindən deputat, Yeni Azərbaycan Partiyasının üzvü Sahibə Qafarova bu il martın 10-dan parlament sədridir.
