Media: yeni təlim proqramı elan olunub
ABŞ-ın Beynəlxalq İnkişaf Agentliyi (USAİD) azərbaycanlı jurnalistlər və media mütəxəssisləri üçün təlim proqramı elan edib. Təqdimata görə, proqram jurnalistlərə, redaksiyalara internetdə işi daha yaxşı qurmaq, professional bilik və bacarıqlar əldə etmək fürsəti verir: “Xarici və yerli təlimçilər sizə auditoriyanı başa düşməyə, düzgün mətnlər hazırlamağa, bunun üçün ən yaxşı, uyğun alət və vasitələri seçməyə yardımçı olacaqlar.
Seminarlar və təlimlər Azərbaycan dilində təşkil ediləcək. Proqramda iştirak ödənişsizdir.
Təlim proqramı haqqında daha ətraflı məlumat üçün sentyabrın 2-si saat 15-də onlayn təqdimat keçiriləcək. Əvvəlki proqramın məzunları təlim və seminarlarda öyrəndikləri bilik və bacarıqların onların media karyerası qurmasına, peşəkar inkişafına necə töhfə verməsi barəsində danışacaqlar.
Sentyabrın 1-nə kimi qeydiyyatdan keçin və ən yeni və hərtərəfli təlim proqramı ilə tanış olun”.
