UEFA Çempionlar Liqasının 2020-2021 mövsümündə yarışan Azərbaycan təmsilçisi “Qarabağ” ikinci raundu da dəf edib. Novator.az-ın məlumatına görə, avqustun 26-sı Bakıda Moldovanın “Şerif” klubu ilə üz-üzə gələn “Qarabağ” 2:1 hesablı qələbə qazanaraq üçüncü mərhələyə adlayıb.

“Qarabağ” birinci mərhələdə Bakıda Şimali Makedoniyanın “Sileks” komandasını yenmişdi (4:0).

Üçüncü mərhələnin püşkü avqustun 31-də atılacaq. Mümkün rəqiblər bunlardır: Norveçdən “Molde”, Danimarkadan “Midtülland”, Macarıstandan “Ferensvaroş”, Kiprdən “Omoniya”, Belarusdan “Dinamo” (Brest).

Ələmələrdə yalnız dördüncü mərhələ cüt oyunlardan ibarətdir. Həmin mərhələdə Avstriyadan “Zalsburq”, Çexiyadan “Slaviya”, Yunanıstandan “Olimpiakos” var.

Turnirə qrup mərhələsindən bu komandalar başlayır: İspaniyadan “Real”, “Barselona”, “Atletiko”, “Sevilya”; İngiltərədən “Liverpul”, “Mançester Siti”, “Mançester Yunayted”, “Çelsi”; İtaliyadan “Yuventus”, “İnter”, “Atalanta”, “Latsio”; Almaniyadan “Bavariya”, “Borussiya” (Dortmund), “Leypsiq”, “Borussiya” (Mönhenqladbah); Fransadan PSJ, “Marsel”, “Renn”; Rusiyadan “Zenit”, “Lokomotiv” (Moskva); Portuqaliyadan “Portu”, Belçikadan “Brügge”, Ukraynadan “Şaxtyor”, Türkiyədən “Başakşəhər”, Niderlanddan “Ayaks”.