Sədr qaldı, ad dəyişdi
Demokratik Azərbaycan Dünyası Partiyası adını dəyişib. Report.az-ın 24 avqust məlumatına görə, qərar partiyanın VI qurultayında verilib. Video formatında keçirilən qurultayda Milli Həmrəylik Partiyası adı seçilib.
Demokratik Azərbaycan Dünyası Partiyası 1993-cü il fevralın 10-da dövlət qeydiyyatına alınıb. 2013-cü ildən partiyaya Əlisahib Hüseynov sədrlik edir. VI qurultay ona Milli Həmrəylik Partiyasının sədri postunu həvalə edib. Partiyanın nizamnaməsinə əlavə və dəyişikliklər olunduğu, rəmzlərin yeniləndiyi xəbər verilir.
Novator.az bildirir ki, Əlisahib Hüseynov 1970-ci ildə Qubadlı rayonunun Xanlıq kəndində doğulub. Qarabağ müharibəsi veteranı, ehtiyatda olan zabitdir.
Bakı Dövlət Universitetinin tarix və hüquq fakültələrini bitirib. 2008-ci ildən Demokratik Azərbaycan Dünyası Partiyasının üzvüdür.
