Ermənistanda orta maaş nə qədərdir?
Ermənistanın baş naziri Nikol Paşinyan avqustun 24-də əməkhaqqı göstəricilərini açıqlayıb. Novator.az bildirir ki, hökumət başçısı 2020-ci ilin iyul ayında işləyənlərin ümumi maaş fondunun 127 milyard 391 milyon drama yüksəldiyini, həmin məbləğin 613 min 62 əməkçi arasında bölündüyünü vurğulayıb. Baş nazir ölkə üzrə orta maaşı 207 min 795 dram (728 manat) göstərib.
Dövlət Statistika Komitəsinin rəsmi hesabatına əsasən, 2020-ci il iyulun 1-nə Azərbaycanda muzdla işləyənlərin orta aylıq nominal əməkhaqqı 720 manat olub, neft-qaz sektorunda 3571 manat, qeyri neft-qaz sektorunda 657,9 manat, dövlət müəssisələrində 627 manat, özəl müəssisələrdə 839,8 manat məbləğində rəsmiləşib.
