Müsavatı yaranlardan biri tutulub
Müsavat Partiyasının mərkəzi qərargahından 2500 manat dəyərində 2 ədəd kondisioner oğurlamaqda şübhəli bilinən Toğrul Babayev tutulub. Bakı Şəhər Baş Polis İdarəsinin məlumatına görə, 1994-cü il təvəllüdlü Toğrul Babayev əvvəllər məhkum olunub.
Binəqədi Rayon Polis İdarəsinin 5-ci bölməsi oğurluqda əli olan daha bir nəfəri müəyyən edib, onun tutulması üçün iş aparılır, kondisionerlər isə aşkar olunaraq maddi sübut kimi götürülüb.
Müsavatın mərkəzi qərargahı paytaxtın Binəqədi rayonunun Dərnəgül qəsəbəsindəki 3097-ci məhəllədə, 2 saylı Evtikmə Kombinatının binasında yerləşir. Oğurluq avqustun 19-na keçən gecə baş verib, qərargaha müdaxilə üçün dəmir barmaqlıqlar kəsilib, pəncərə şüşəsi sındırılıb.
