Dövlət Statistika Komitəsi koronavirus pandemiyası ilə bağlı məhdudiyyətlərin turizm sektoruna təsiri barədə açıqlama yayıb. Novator.az bildirir ki, Dövlət Sərhəd Xidmətinə istinadla yayılan hesabata görə, 2020-ci ilin yanvar-iyul aylarında Azərbaycana 152 ölkədən 618,3 min, əvvəlki ilin eyni dövrü ilə müqayisədə 2,9 dəfə az əcnəbi gəlib.
2019-cu ilin yanvar-iyul ayları ilə müqayisədə xarici ölkələrə gedən Azərbaycan vətəndaşlarının sayının 3,1 dəfə azalaraq 996,5 min nəfər olduğu vurğulanır. Ölkə vətəndaşlarının 32,8 faizi İrana, 29,2 faizi Gürcüstana, 20,3 faizi Rusiyaya, 10 faizi Türkiyəyə, 7,7 faizi digər ölkələrə səfər edib.
