Avqust qarı
Milli Hidrometeorologiya Xidmətinin məlumatına görə, avqustun 23-ü səhərədək Azərbaycanın bəzi bölgələrində şimşək çaxıb, arabir leysan yağıb (ayrı-ayrı yerlərdə intensiv və güclü olub), yüksək dağlıq ərazilərə, Xınalığa sulu qar, Şahdağa qar düşüb.
Düşən yağışın miqdarı Qəbələdə 87, Şəkidə 69, Oğuzda 63, Balakəndə 52, İsmayıllıda 49, Astarada 35, Göygöldə 30, Zaqatalada 29, Daşkəsəndə 25, Şamaxıda 24, Gədəbəy və Naftalanda 20, Bərdədə 19, Gəncədə 18, Tərtər və Yardımlıda 17, Mingəçevirdə 16, Sabirabadda 15, Ağdamda 14, Ağstafada 12, Şəmkir və Biləsuvarda 12, Göyçay və Lerikdə 11, Beyləqanda 10, Şərurda 9, Qubada 8, Tovuz, Zərdab, Qusar və İmişlidə 7, Kürdəmirdə 6, Şabranda 3, Neftçala, Ordubad, Sədərək və Salyanda 2, Şahbuz və Naxçıvanda 1, Bakıda 10, Sumqayıtda 4 millimetr olub.
Qarın qalınlığı Şahdağda 5 santimetrə çatıb.
Havanın maksimal temperaturunun Bakıda və Abşeron yarımadasında 25-28, aran rayonlarında 28-33, dağlıq rayonlarda 13-16, Naxçıvan Muxtar Respublikasında 29-33 dərəcə isti olduğu bildirilir.
