Yenə “Sevilya”
UEFA Avropa Liqasının 2019-2020 mövsümü başa çatıb. Novator.az-ın məlumatına görə, avqustun 21-i Almaniyanın Köln şəhərində keçirilən final matçında “İnter”i (İtaliya) 3:2 hesabı ilə yenən “Sevilya” 6-cı dəfə turnirin qalibi olub.
1971-ci ildən keçirilən, 2008-ci ilədək UEFA kuboku adlanmış turnirdə daha 27 klubun zəfəri var. “Liverpul”, “Yuventus”, “İnter” (İtaliya), “Atletiko” 3, “Tottenhem”, “Feyenoord”, “Borussiya” (Mönhenqladbah), “Höteborq”, “Real” (Madrid), “Parma”, “Portu”, “Çelsi” 2, “Anderlext”, “Ayaks”, PSV, “Ayntraxt” (Frankfurt), “İpsviç”, “Bayer”, “Napoli”, “Bavariya”, “Şalke”, “Qalatasaray”, “Valensiya”, SSKA (Moskva), “Zenit”, “Şaxtyor” (Ukrayna), “Mançester Yunayted” 1 uğur qazanıb.
2019-2020 mövsümünün qrup mərhələsində “Sevilya” Azərbaycan təmsilçisi “Qarabağ”, Kiprin APOEL və Lüksemburqun “Düdelanj” komandaları ilə bir qrupda mübarizə aparıb, 15 xalla birinci yeri tutub.
