Qobuda tanışlıq və təməl mərasimləri
Prezident İlham Əliyev avqustun 21-də “Qobu” yarımstansiyasının tikintisi ilə tanış olub və “Qobu” Elektrik Stansiyasının təməlini qoyub.
Arayışa görə, 330/220/110 kilovoltluq “Qobu” yarımstansiyası elektrik enerjisinin enerji sisteminə ötürülməsi, Bakının və Abşeron yarımadasının elektrik enerjisi təchizatında “Abşeron” yarımstansiyasından asılılığın aradan qaldırılması, istehlakçıların fasiləsiz və dayanıqlı elektrik enerjisi təchizatının təmin edilməsi, ölkədə 330 kilovoltluq dairəvi elektrik təchizat sxeminin yaradılması üçün vacibdir: “Yarımstansiya Bakıda tikilən ilk 330 kilovoltluq yarımstansiya olacaq. Onun enerji sisteminə inteqrasiyasının iki mərhələdə həyata keçirilməsi nəzərdə tutulur.
“Qobu” Elektrik Stansiyasının tikintisi isə bir sıra qeyri-neft sənayesi obyektlərinin, o cümlədən Ələt qəsəbəsinin yaxınlığında yaradılacaq Azad İqtisadi Zonanın etibarlı elektrik enerjisi ilə təchizatında mühüm rol oynayacaq”.
Prezident İlham Əliyev energetiklərlə görüşüb, çıxış edib.
