Sxem dəqiqləşdi
UEFA Çempionlar Liqasının 2020-2021 mövsümünün sxemi tam dəqiqləşib. Novator.az bildirir ki, turnirə qrup mərhələsindən (20 oktyabr-9 dekabr) bu komandalar başlayır: İspaniyadan “Real”, “Barselona”, “Atletiko”, “Sevilya”; İngiltərədən “Liverpul”, “Mançester Siti”, “Mançester Yunayted”, “Çelsi”; İtaliyadan “Yuventus”, “İnter”, “Atalanta”, “Latsio”; Almaniyadan “Bavariya”, “Borussiya” (Dortmund), “Leypsiq”, “Borussiya” (Mönhenqladbah); Fransadan PSJ, “Marsel”, “Renn”; Rusiyadan “Zenit”, “Lokomotiv” (Moskva); Portuqaliyadan “Portu”, Belçikadan “Brügge”, Ukraynadan “Şaxtyor”, Türkiyədən “Başakşəhər”, Niderlanddan “Ayaks”.
Rusiyadan “Krasnodar”, Avstriyadan “Zalsburq”, Çexiyadan “Slaviya”, Yunanıstandan “Olimpiakos” rəqiblərini dördüncü mərhələdə (22-29 sentyabr) gözləyir.
Üçüncü mərhələyə (15-16 sentyabr) Portuqaliyadan “Benfika”, Belçikadan “Gent”, Ukraynadan “Dinamo” giriş əldə edib.
Ələmələrdə yalnız dördüncü mərhələ cüt oyunlardan ibarətdir.
Azərbaycan təmsilçisi “Qarabağ” birinci mərhələdə Bakıda Şimali Makedoniyanın “Sileks” komandasını yenib (4:0). İkinci mərhələdə (25-26 avqust) “Qarabağ” Bakıda “Şerif” (Moldova) ilə üz-üzə gələcək. Həmin raunddan turnirə Türkiyədən “Beşiktaş”, Niderlanddan “Alkmaar”, Avstriyadan “Rapid”, Çexiyadan “Viktoriya”, Yunanıstandan PAOK, Xorvatiyadan “Dinamo”, “Lokomotiva”, Danimarkadan “Midtülland”, İsveçrədən “Yanq Boyz” qoşulur.
Kiprdən “Omoniya”, Serbiyadan “Srvena Zvezda”, Şotlandiyadan “Seltik”, Belarusdan “Dinamo” (Brest), Norveçdən “Molde”, Polşadan “Legiya”, İsraildən “Makkabi” (Tel-Əviv), Bolqarıstandan “Ludoqorets”, Rumıniyadan “Kluj”, Sloveniyadan “Selye”, Macarıstandan “Ferensvaroş”, Albaniyadan “Tirana”, Bosniyadan “Sarayevo”, Litvadan “Suduva” da həmin mərhələdə yer alır.
