Lotu Quli öldürülüb
Kriminal aləmdə Lotu Quli ləqəbi ilə tanınan Nadir Səlifov Türkiyədə odlu silahla qətlə yetirilib. Avqustun 20-nə keçən gecə yayılan məlumata görə, Lotu Quli Antalya mehmanxanalarının birində yaxın şəxsin hücumuna məruz qalıb. Güllə yaraları alan Nadir Səlifovun xəstəxanaya çatdırıldığı, orada dünyasını dəyişdiyi bildirilir.
Qətldə şübhəli bilinənin Antalyadan Dənizliyə gedərkən yolda tutulduğu vurğulanır.
Nadir Səlifov 1972-ci ildə Gürcüstanda doğulub. Bir neçə dəfə məhkum edilib. Türkiyədə 2017-ci ildən yaşayırdı.
Onun ləqəbindəki “Quli” sözü gürcü dilindəki “ürək” sözündən gəlir.
