Avqustun 18-i Bakıda tutulan AXCP üzvü Orxan Səlimzadəyə 30 sutka inzibati həbs cəzası verilib. Xəbəri avqustun 19-da “Turan” yayıb. Daxili İşlər Nazirliyinin Binəqədi rayonundakı inzibati həbs məntəqəsində saxlanan fəalın nədə ittiham olunduğu bilinmir.
2020-ci ilin mart-avqust aylarında daha 36 AXCP üzvü müxtəlif inzibati xətalar üzrə (karantin rejimini pozmaq, polis işçisinin qanuni tələbinə qəsdən tabe olmamaq, internet informasiya ehtiyatında yayılması qadağan edilən informasiya yerləşdirmək, xırda xuliqanlıq) həbs cəzası alıb.
Niyaməddin Əhmədova 30 sutka inzibati həbsdən sonra terrorçuluğu maliyyələşdirmə ittihamı verilib, barəsində həbs qətimkan tədbiri seçilib.
Bu il daha 19 AXCP üzvü cinayət məsuliyyətinə cəlb olunub. Onların ikisi məhkum edilib.
