İlk sədd keçildi
UEFA Çempionlar Liqasının 2020-2021 mövsümündə birinci mərhələ start götürüb. Novator.az-ın məlumatına görə, Azərbaycan təmsilçisi “Qarabağ” avqustun 18-i Bakıda Şimali Makedoniyanın “Sileks” komandasını 4:0 hesabı ilə yenərək növbəti raunda adlayıb.
İkinci mərhələdə (25-26 avqust) “Qarabağ” Bakıda “Şerif” (Moldova) – “Fola” (Lüksemburq) cütlüyünün qalibi ilə üz-üzə gələcək. İrəliləyəcəyi halda “Qarabağ”a üçüncü raundda (15-16 sentyabr) Çexiyadan “Slaviya”, Yunanıstandan “Olimpiakos”, dördüncü mərhələdə (22-29 sentyabr) Niderlanddan “Ayaks”, Avstriyadan “Zalsburq” rəqib ola bilər.
Ələmələrdə yalnız dördüncü raund cüt oyunlardan ibarətdir.
Qrup mərhələsində (20 oktyabr-9 dekabr) İspaniyadan “Real”, “Barselona”, “Atletiko”, “Sevilya”; İngiltərədən “Liverpul”, “Mançester Siti”, “Mançester Yunayted”, “Çelsi”; İtaliyadan “Yuventus”, “İnter”, “Atalanta”, “Latsio”; Almaniyadan “Bavariya”, “Borussiya” (Dortmund), “Leypsiq”, “Borussiya” (Mönhenqladbah); Fransadan PSJ, “Marsel”, “Renn”; Rusiyadan “Zenit”, “Lokomotiv” (Moskva); Portuqaliyadan “Portu”, Belçikadan “Brügge”, Ukraynadan “Şaxtyor”, Türkiyədən “Başakşəhər” var.
“Qarabağ” 2014-2015, 2015-2016, 2016-2017, 2018-2019, 2019-2020 mövsümlərində Avropa Liqasının qrup mərhələsində, 2017-2018 mövsümündə Çempionlar Liqasının qrup mərhələsində oynayıb.
