Fuad Əhmədli azadlığa çıxdı
AXCP üzvü Fuad Əhmədli avqustun 18-də 4 illik həbsi başa vuraraq Bakıdakı 16 saylı Cəzaçəkmə Müəssisəsindən azadlığa buraxılıb.
Novator.az bildirir ki, 1990-cı il təvəllüdlü Fuad Əhmədli 2016-cı il avqustun 18-də tutulmuşdu. O, operator işlədiyi “Azerfon” şirkətində abonentin şəxsi məlumatlarını başqasına ötürməkdə ittiham olunub. Bakı Ağır Cinayətlər Məhkəməsi Fuad Əhmədlini əməliyyat-axtarış fəaliyyəti qanunvericiliyini pozma və vəzifə səlahiyyətlərindən sui-istifadədə təqsirli bilərək 4 il müddətinə azadlıqdan məhrum edib. Apellyasiya instansiyası və Ali Məhkəmə cəzanı qüvvədə saxlayıb.
Fuad Əhmədli Azərbaycan Dövlət İqtisad Universitetinin məzunudur. AXCP-yə 2012-ci ildə qoşulub.
